Guá khó-liân ê kok-tiong tông-o̍h(我可憐 ê 國中同學) 作者:Ko Ka-hui 日期:20170601－Ka-hui ê 創作世界

Ē kì-tit tī pài-it ê sî-tsūn , guá bāng-tio̍h kok-tiong í-king kuè-sin ê tông-o̍h.

Kóng-tio̍h i, si̍t-tsāi tsiok khó-liân--ê ,in-uī i ê a-bú kan-tann i tsit ê hāu-senn niā-niā, m̄-koh in-uī i hōo hái-tsuí im--sí, tse-sī uī siánn mi̍h neh? In-uī i kap tông-o̍h khì sńg tsuí, tsuânn hōo hái-íng kńg--khí,tō án-ne i ê sìnn-miā tō bô-khì--ah.

I sī tsit ê kong-khò tsin hó ê lâng, tāi-ha̍k tha̍k Tâi-tāi, tsin tsiànn tsiok gâu--ê.M̄-koh i ê bô-sè-lī tsuânn sì-miā bô--khì,si̍t-tsāi tsiok kan-khóo--ê, jî-tshiánn i ê a-bú kan-tann I tsit ê kiánn niâ.

Tī teh 2 nî tsîng hit ê sî-tsūn, guá tsai-iánn tsit ê tāi-tsì, tsin-tsiànn m̄-kánn siong-sìn i ê lâng í-king bô tī--leh--ah.

Sóo-í m̄ -thang tī bô kiù-sing-uân ê sóo-tsāi sńg tsuí, án-ne si̍t-tsāi siunn hiám-hué ah, ta̍k-ê tshian-bān ài sè-lī oo！

漢羅版

我可憐的國中同學(Guá khó-liân ê kok-tiong tông-o̍h)

會 kì-tit tī 拜一 ê sî-tsūn，我 bāng-tio̍h 我國中已經過身ê同學。

講著他， si̍t-tsāi足可憐 --ê，因為他 ê 阿母干焦伊tsit ê 後生niā-niā，m̄-koh 因為他 hōo海水 im--sí，tse-sī 為什麼neh? 因為他kap同學khì玩水，tsuânn hōo 海湧 kńg--khí，tō án-ne伊 ê 性命 tō 無去 --ah。