Ka-hui ê 創作世界

Guá ê sió-muē sī tsi̍t ê  iu-siù ê 人，guá kah i做伙tuā-hàn--ê，kám-tsîng 足好ê.Tī sè-hàn sî，guá lóng ē hām i sńg tshit-thô -mí-á iah sī ang-á，  guá kap i lóng sńg kah足歡喜 ê 。

Guá ē kì-tit tī 我讀冊時，tī我讀高中 ê 時陣，tāi-iok 八、九 nî tsîng，guá ê sin-thé bô-hó，i lóng tī leh guá-ê sin-khu pinn puê-phuānn guá，tiām-tiām thiann guá ê sim-tsîng，m̄-kuán guá án-ná kóng hōo i thiann，i lóng tsuân-pōo tsiap-siu，sui-bóng guá ê tsōng-hóng ū sî  hó ū sî bái，i tuì guá lóng tsiok tsán--ê.

Guá tsit-má siūnn--khí-lâi，nā m̄-sī gún sió-muē，guá tsá tō pha-hng khì ah，sim-lāi si̍t-tsāi足 kám-siā i ê，i ū kong-lô ，gún a-pa kap a-bú mā sī tsiok tsiàu-kòo guá--ê，gún tsi̍t-ke hué-á kám-tsîng lóng tsin hó，guá tsiok幸運 senn  tī  tsi̍t-ê ka-tîng，guá tsin-sim kám-siā-īn.

漢羅版

  我 ê 小妹是一 ê 優秀 ê 人，我 kah 伊做伙大漢 --ê，感情足好 --ê。Tī 細漢時，我攏會 hām 伊耍 tshit-thô -mí-á iah 是 ang-á，我 kap 伊攏耍 kah 足歡喜 --ê。

  我會 kì-tit tī 我讀冊時，tī 我讀高中 ê 時陣，tāi-iok 八、九年前，我ê 身體無好，伊攏 tī leh我 ê身軀邊陪伴我，tiām-tiām 聽我ê心情，毋管我án-ná 講 hōo伊聽，伊攏全部接收，雖罔我 ê tsōng-hóng 有時好有時 bái，伊對我攏足 tsán--ê。

  我這馬想 -- 起 - 來，nā 毋是阮小妹，我早 tō khioh-kak去 ah，心內實在足感謝伊 --ê。伊有 kong-lô，阮阿爸kap 阿母 mā 是足照顧 --ê，阮一家伙仔感情攏真好，我足幸運生 tī  這 ê 家庭，我真心感謝īn。

翻譯 : 我和我的妹妹

我的妹妹是一個很優秀的人，我和她一起長大的，感情非常好。在小時候，我都會和她玩玩具或是玩娃娃，我和她都玩得很開心。我記得在我讀高中的時候，大約八、九年前，我的身體不是很好，她都在我的身邊陪伴我，常常聽我訴說，不管我講了些什麼話，她都會默默地聽進去，雖然我的狀況時好時壞，但是她還是都會對我很好。我現在想起來，如果不是我的妹妹這樣關心我，我早就變了樣了!我衷心感謝她對我的好，她是絕對有功勞的。我的父母也是把我很照顧的很好，我真的很感謝他們所做的一切，我衷心感謝他們。

附註:已刊登於台文通訊罔報(Tâi-bûn thong-sìn Bong-pò)第283期

Guá kap guán ê sió-muē(我kap阮小妹)Youtube聲音檔